Ishga kelgan va ketgan vaqtingiz shu tizimda qayd qilinadi. Roziman deyishdan
oldin nima yig'ilishini bilib oling:
- Vaqt — belgi qo'ygan vaqtingiz, kechikish daqiqalari, belgi qanday qo'yilgani.
Bu davomat tarixi — o'chirilmaydi, oylik shundan hisoblanadi;
- Joylashuv — belgi qo'ygan paytda; Android ilovasida ish vaqti davomida har
3 daqiqada bitta nuqta (ish boshlanishidan 30 daqiqa oldin — tugashidan 30 daqiqa keyin).
Ish vaqtidan tashqari, dam kunida va tunda joylashuv serverga yozilmaydi.
Nuqtalar 45 kun saqlanadi, keyin avtomat o'chiriladi;
- Selfi — belgi qo'yganda suratingiz olinadi va ro'yxatdagi rasmingiz bilan
solishtiriladi; ish vaqtida kuniga 1 marta kutilmagan vaqtda ham so'ralishi mumkin.
Surat serverda 45 kun saqlanadi, keyin avtomat o'chiriladi. Surat shubhali chiqsa
(boshqa odam, eski rasm) belgi qabul qilinmaydi va surat Telegram orqali tekshiruvchi
rahbarga (tizim ma'muriga) yuboriladi. Face ID / barmoq izi telefonning o'zida
tekshiriladi, serverga faqat natija keladi;
- Telefon va tarmoq — telefon modeli, qurilma raqami va belgi paytidagi IP manzil.
Bitta telefon faqat bitta xodimga;
- Kim ko'radi — siz, do'kon rahbaringiz, kompaniya egasi va tizim ma'muri.
Kunlik davomat jadvali Google Sheets ga yoziladi. Boshqa hech kimga berilmaydi;
- Saqlash — joylashuv va selfi 45 kun; urinishlar va shubhali holat bayroqlari 180 kun;
kelish-ketish belgilari — davomat tarixi sifatida;
- Rozilikni qaytarib olish — istalgan vaqtda botga /rozilik_qaytar deb yozing.
Shundan keyin ilova orqali belgi qo'yib bo'lmaydi, fon kuzatuvi to'xtaydi, davomatingiz
rahbar tomonidan qo'lda yuritiladi va rahbarga xabar boradi.
Ma'lumot faqat davomat va ish haqi hisobi uchun. Kechikish uchun ushlab qolish faqat
rahbar tasdig'idan keyin. O'z belgilaringizni shu ilovada ko'ra olasiz.
📄 To'liq maxfiylik siyosati